Innanfélagsmót FK um helgina

Um helgina fer fram Innanfélagsmót Fimleikadeildar Keflavíkur en mótið fer fram í Íþróttahúsinu við Sunnubraut í Keflavík. Á mótinu munu iðkendur FK leiða saman hesta sína og verður keppni í trompfimleikum með breyttu sniði í ár.

 

Mótið hefst á föstudag kl. 19:30 þar sem tromphóparnir munu keppa sín á milli en innanfélagsmeistari verður krýndur síðar um kvöldið. Hér áður fyrr var vaninn að krýna einstakling sem innanfélagsmeistara í trompi en í ár verður það hópur sem krýndur verður meistari. Það er gert því aðeins eitt mót er fyrir einstaklinga í trompfimleikum ár hvert og algengara er að keppni í þessari grein fimleika standi á milli liða, ekki einstaklinga.

 

Keppni í áhaldafimleikum hefst svo á laugardag en mótið heldur þá áfram og hefst kl. 9:30 um morguninn og stendur fram eftir degi.