Ingunn Embla segir skilið við Keflavík
Skrifar undir hjá Grindavík til tveggja ára
Grindvíkingar hafa samið við tvo nýja leikmenn fyrir komandi tímabil í körfunni en þær Lilja Sigmarsdóttir og Ingunn Embla Kristínardóttir skrifuðu undir tveggja ára samninga við liðið.
Lilja, sem er uppalinn hjá Grindavík, hefur leikið með liði Vals undanfarin ár en Ingunn hefur verið einn af sterkari leikmönnum Keflavíkur undanfarin tvö ár og er því um að ræða mikinn hvalreka fyrir Grindavík.
Þá hefur gamli refurinn Pétur Guðmundsson ákveðið að snúa aftur og mun aðstoða Daníel Guðna Guðmundsson með þjálfun liðsins.
