Ingunn Embla fékk tveggja leikja bann hjá aganefnd KKÍ

Ingunn Embla Kristínardóttir leikmaður kvennaliðs Keflavíkur  í körfuknattleik var í gær úrskurðuð í tveggja leikja keppnisbann.  Aga og úrskurðarnefnd KKÍ fór yfir myndbandsupptöku af leik Keflavíkur gegn Snæfelli í undanúrslitum Poweradebikarsins um síðustu helgi þar sem Ingunn sparkaði í Gunnhildi Gunnarsdóttur leikmann Snæfells.

Ingunn Embla missir ekki af bikarúrslitaleiknum gegn Grindavík þann 21. febrúar en hún missir af leikjum gegn Val og Grindavík í 19. og 20. umferð Dominosdeildar kvenna.