Ingibjörg farin á EM og ætlar að vinna

Íslenska kvennalandsliðið í knattspyrnu hélt rétt í þessu af stað til Hollands en þar munu þær keppa á EM. Hin tvítuga Ingibjörg Sigurðardóttir frá Grindavík er í landsliðinu.

Í samtali við Víkurfréttir segir Ingibjörg stemninguna í hópnum mjög góða, en stelpurnar munu keppa sinn fyrsta leik á þriðjudaginn. „Við erum virkilega spenntar. Við ætlum að vinna og koma heim með medalíur, það er bara þannig.“

Meðfylgjandi myndir tók Sólborg Guðbrandsdóttir í Flugstöð Leifs Eiríkssonar.

Keflvíkingurinn og stuðningsmaðurinn Jóhann D Bianco skilaði kveðju til stelpnanna í myndbandi sem sýnt var rétt fyrir brottför.

Ingibjörg Sigurðardóttir ætlar heim með medalíur.