HS orka og HS veita styrkja knattspyrnudeild UMFN

Knattspyrnudeild UMFN endurnýjaði styrktarsamning í gær við HS orku og HS veitu. Það voru Júlíus Jónsson, forstjóri fyrirtækjanna beggja, og Leifur Gunnlaugsson, framkvæmdastjóri knattspyrnudeildarinnar, sem undirrituðu samninginn.

Hitaveita Suðurnesja hefur um árabil verið í hópi þeirra styrktaraðila sem hafa styrkt deildina en nú hafa fyrirtækin tvö tekið við því.

Mynd: umfn.is - Júlíus Jónsson og Leifur Gunnlaugsson handsala samninginn.