Hitti liðsfélagana á Kastrup

Bandaríkjamaðurinn Charleston Long mun leika með silfurliði Njarðvíkur í Iceland Exressdeild karla á komandi leiktíð en hann hitti fyrir verðandi liðsfélaga sína á Kastrup í gærmorgun. Njarðvíkingar eru nú staddir í Kaupmannahöfn í Danmörku til þess að taka þátt í æfingamóti ásamt ýmsum dönskum liðum. Njarðvíkingar leika sinn fyrsta leik í Danmörku í kvöld kl. 20 gegn Høbas.

 

Charleston Long kom frá Lakeside Lightning í Vestur-Ástralíu en hann mun vera fjölhæfur leikmaður sem á að geta leikið vörn á leikmenn allt frá leikstjórnanda upp í miðherja.

 

Leikmenn Njarðvíkur sem fóru til Danmerkur eru eftirfarandi:

 

Friðrik Stefánsson

Egill Jónasson

Charleston Long

Hjörtur Einarsson

Friðrik Guðni Óskarsson

Guðmundur Jónsson

Jóhann Ólafsson

Brenton Birmingham

Elías Kristjánsson

Daníel Guðmundsson

Ágúst Hilmar Dearborn

 

Sverrir Þór Sverrisson komst ekki með en hann er að klára tímabilið með knattspyrnuliði Njarðvíkur en þeir eiga stórleik á laugardag gegn Reyni Sandgerði.

 

www.umfn.is

 

Mynd: Charleston Long