Heimasigrar hjá Grindavík og Njarðvík

Grindavík og Njarðvík unnu góða heimasigra í Dominos-deild karla í körfuknattleik í gærkvöld. Njarðvík vann frábæra sigur á KR í Ljónagryfjunni, 88-77. Staðan var jöfn í hálfleik 40-40 en Njarðvíkingar voru sterkari í seinni hálfleik og unnu 11 stiga sigur.

Nigel Moore skoraði 22 fyrir Njarðvíkinga sem voru funheitir fyrir utan þriggja stiga línuna. Ágúst Orrason skoraði 18 stig í gær og flest þeirra komu úr þriggja stiga skotum. Elvar Már Friðriksson var besti maður vallarins en hann skoraði 17 stig, tók sex fráköst og gaf 7 stoðsendingar. Líklega einn besti leikur Njarðvíkur á þessu keppnistímabili.

Grindvíkingar fóru létt með nýliðanna í Skallagrím á heimavelli, 107-65. Sigurinn var aldrei í hættu en Grindvíkingar unnu seinni hálfleikinn með 30 stigum. Stigaskor var mjög dreift hjá Grindvíkingum en hver einasti leikmaður á skýrslu komst á blað.

Samuel Zeglinski skoraði 20 stig, Sigurður Gunnar Þorsteinsson kom næstu emð 19 stig og Jóhann Árni Ólafsson kom í kjölfarið með 15 stig. Grindvíkingar eru efstir í deildinni með 28 stig og Njarðvík er í 7. sæti með 16 stig

Njarðvík-KR 88-77 (19-19, 21-21, 26-18, 22-19)

Njarðvík: Nigel Moore 22/8 fráköst, Ágúst Orrason 18, Elvar Már Friðriksson 17/6 fráköst/7 stoðsendingar, Maciej Stanislav Baginski 12, Ólafur Helgi Jónsson 12/7 fráköst, Marcus Van 5/9 fráköst, Oddur Birnir Pétursson 2.

Grindavík-Skallagrímur 107-65 (25-17, 24-20, 29-19, 29-9)

Grindavík: Samuel Zeglinski 20/7 stoðsendingar, Sigurður Gunnar Þorsteinsson 19/6 fráköst, Jóhann Árni Ólafsson 15/7 fráköst/6 stolnir, Aaron Broussard 12/13 fráköst, Ólafur Ólafsson 8/5 fráköst, Ómar Örn Sævarsson 8, Þorleifur Ólafsson 7/4 fráköst, Daníel G. Guðmundsson 6, Jón Axel Guðmundsson 5/4 fráköst, Hinrik Guðbjartsson 3, Björn Steinar Brynjólfsson 2, Einar Ómar Eyjólfsson 2.

Staðan í Dominos-deild karla:
1       Grindavík       17      14      3       1667    -       1459    28
2       Snæfell 17      13      4       1687    -       1502    26
3       Þór Þ.  16      11      5       1477    -       1356    22
4       Keflavík        16      11      5       1496    -       1430    22
5       Stjarnan        17      10      7       1594    -       1517    20
6       KR      17      9       8       1471    -       1472    18
7       Njarðvík        17      8       9       1481    -       1455    16
8       Skallagrímur    17      6       11      1365    -       1497    12
9       KFÍ     16      5       11      1424    -       1578    10
10      Tindastóll      16      5       11      1280    -       1371    10
11      Fjölnir 17      4       13      1414    -       1589    8
12      ÍR      17      4       13      1428    -       1558    8