Handbolta efniviður á Suðurnesjum - segir landsliðsþjálfarinn

Landsliðsþjálfarinn í handbolta í heimsókn

„Þetta er hluti af útbreiðslustarfi handknattleikssambandsins. Við höfum verið á fleiri stöðum og fengið góðar móttökur á Ísafirði og víðar. Hér á Suðurnesjum var handbolti vinsæll á árum áður og hann er á uppleið á nýjan leik í Reykjanesbæ. Við vitum af mjög efnilegum handboltaköppum hér,“ sagði Aron í spjalli við Víkurfréttir en hann stjórnaði æfingu hjá Handknattleiksfélagi Reykjanesbæjar í vikunni.

Aron kenndi ungu handboltafólki á æfingunni hinar ýmsu æfingar og fleira tengt tækni og afbrigðum í vörn. Einar Sigurpálsson hjá handknattleiksdeildinni sagðist afar ánægður með heimsókn landsliðsþjálfarans.

Aron kenndi ýmsar æfingar og fleira.

Aron með handboltafólki úr HKR.