Hafsteinn Guðmundsson heiðursfélagi í Arsenalklúbbnum á Íslandi

Keflvíkingurinn Hafsteinn Guðmundsson, fyrrum landsliðsmaður og  landsliðseinvaldur Íslands og samtíðarmaður Alberts Guðmundssonar hjá Arsenal og Val, var gerður að heiðursfélaga í Arsenalklúbbnum á Íslandi á 21. afmælishátíð klúbbsins sem haldin var 18. október s.l.
Heiðursfélagar klúbbsins eru þá orðnir sex talsins, fyrir voru það Helgi B. Daníelsson fyrrum landsliðsmarkvörður, Ríkharður Jónsson fyrrum landsliðsmaður, Bjarni Felixson, fyrrum sóknarmaður í KR og  íþróttafréttamaður, Finnbogi Friðfinnsson, kaupmaður í Eyjabúð í Vestmannaeyjum og Haukur Guðjónsson, vörubifreiðastjóri í Vestmannaeyjum.