Gunnar er fyrsti Þróttarinn sem nær 100 leikjum
Gunnar Helgason, fyrirliði Þróttar Vogum á sínum tíma, varð á dögunum fyrsti leikmaður félagsins til að spila 100 leiki með meistaraflokki félagsins í knattspyrnu. Áfanganum náði Gunnar þegar hann lék með Þrótturum gegn Mána á Höfn í Hornafirði.
Gunnar, sem er 41 árs gamall varnarmaður, spilaði fyrsta leikinn á ferlinum gegn KR-U23 í bikarnum árið 1998. Eru þetta skráðir leikir í þriðju og fjórðu deild, en einnig í bikarkeppni KSÍ.
Gunnar spilaði í 3. deildinni með Þrótti árin 1999 og 2000. Hann kom til baka frá Víði árið 2007 og tók þátt í að endurvekja meistaraflokk félagsins og hefur tekið virkan þátt í því uppbyggingarstarfi síðan.
