Gunnar Ásgeirsson annar í Swindon-torfærunni

Keflvíkingurinn Gunnar Ásgeirsson varð í öðru sæti á torfærumótinu í Swindon í Englandi í gær. Gunnar Ásgeirsson ók Erninum mjög vel á seinni hluta mótsins. Auk þess fékk hann sérstök verðlaun fyrir mestu aksturstilþrif mótsins en hann lauk keppni með risastökki með þeim afleiðingum að bíllinn fór heljarstökk í loftinu og lenti á hvolfi samkvæmt lýsingu fulltrúa Víkurfrétta á mótinu. Hann sagði Gunnar snöggan út úr bílnum og hann hafi veifað til áhorfenda sem fögnuðu honum ákaft.Gunnar Ásgeirsson hlaut 2080 stig. Annar Suðurnesjamaður, Páll Antonsson á Reisgræjunni hafnaði neðar í flokki sérútbúinna.Gunnar Gunnarsson á Trúðnum í flokki götubíla lenti í vandræðum í gær. Bíllinn bilaði og Gunnar missti af tveimur þrautum. Hann lauk keppni án verðlaunasætis með 1325 stig. Torfærukapparnir og fylgdarlið þeirra koma heim frá Bretlandi í dag og framundan eru fleiri torfærukeppnir hér heima og í Skandinavíu.Lokastaðan (samkvæmt mbl.is)Gunnar Egilsson, Egils Gull, 2170 stigGunnar Ásgeirsson, Erninum, 2080 stigSigurður Þór Jónsson, Toshibatröllinu, 2020 stigHaraldur Pétursson, Musso, 1990 stigGísli G. Jónsson, Artic Trucks, 1970 stigÁsgeir Jamil Allanson, Nesquick, 1912 stigBjörn Ingi Jóhannsson, Fríðu Grace, 1830 stigRagnar Róbertsson, Pizza 67 Willys, 1775 stigGuðmundur Pálsson, Krílinu, 1745 stigPáll Antonsson, Reisgræjunni, 1715 stigKenneth Fredriksson, Svíþjóð, 1590 stigHans Mäki, Svíþjóð, 1430 stigGunnar Gunnarsson, Trúðnum, 1325 stigDaníel G. Ingimundarsson, Grænu þrumunni, 1300 stigArne Johannesson, Noregi, 1070 stig Rafn A. Guðjónsson, Rauða prinsinum, 400 stig