Guðjón Þórðarson æfur eftir leikinn í Keflavík

Þjálfari ÍA, Guðjón Þórðarson, var allt annað en kátur eftir 3-1 ósigur ÍA gegn Keflavík á Sparisjóðsvellinum í Landsbankadeild karla í gærkvöldi. Guðjón sakar knattspyrnuforystu Íslands um bakherberjafundi gegn Skagaliðinu.

 

„Það var fundur hjá dómurum þar sem það var útmálað að Skagaliðið væri svo gróft að það þyrfti að taka sérstaklega á því. Þar var sérstaklega fjallað um að þeir ætluðu að sýna Stefáni Þórðarsyni hvernig ætti að „díla" við hlutina,“ sagði Guðjón í samtali við Guðjón Guðmundsson íþróttafréttamann Stöðvar 2 eftir leikinn.

 

 

Sama hvað öllum bakherbergjafundum líður fór betra liðið með þrjú stig af hólmi í gær.