GRV með góðan sigur á Haukum

Lið GRV vann góðan sigur, 0-3 á botnliði Hauka í A-riðli 1. deildar kvenna. Ágústa Jóna Heiðdal kom GRV yfir á 68. mínútu með marki úr vítaspyrnu. Bergey Erna Sigurðardóttir bætti við öðru marki þremur mínútum síðar áður en Ágústa skoraði annað mark sitt í leiknum á 88. mínútu.

GRV er með 19 stig í öðru sæti deildarinnar og á góðan möguleika á að komast í umspil um sæti í efstu deild. Tvö lið úr A-riðli fara í umspil og á GRV einn leik til góða á ÍBV sem veitir liðinu mesta samkeppni um annað sætið.

Staðan í A-riðli 1. deildar kvenna:
1. ÍR              11          30
2. GRV          10         19
3. ÍBV            11           18
4. ÍA              10           10
5. Þróttur R. 10          10
6. FH            10           9
7. Haukar     10             9