Grindvíkingar sigruðu Söngvakeppni Framhaldsskólanna

Kór Tækniskólans bar sigur úr bítum í Söngvakeppni Framhaldsskólanna 2012 sem fram fór um helgina. Þar voru þrír Grindvíkingar sem hófu upp raust sína, þeir Óskar Pétursson, Ingólfur Ágústsson og Sigurður Friðfinnsson. Óskar og Ingólfur eru í vélstjórnarnámi en Sigurður er í stýrimannsnámi.

Óskar sem er markvörður GRindvíkinga í Pepsi-deildinni í knattspyrnu útskrifast nú í vor. Hann sagði í samtali við heimasíðu Grindavíkurbæjar að það hefði verið mjög skemmtilegt að taka þátt í þessu verkefni og í raun og veru verið hálfgert flipp til að byrja með en öllum að óvörum endað með sigri.

Kórinn söng lagið Stolt siglir fleyið mitt eftir Gylfa Ægisson. Þess má geta að samningaviðræður standa yfir við kórinn að syngja á Sjóaranum síkáta í sumar. Helst gæti staðið í vegi fyrir því að skólinn verður þá búinn og nemendur farnir til síns heima víða um land.

Grindavík.is

Mynd frá vinstri: Óskar, Sigurður og tveir aðrir félagar þeirra í kórnum.