GRINDVÍKINGAR NÁ ALLTAF STIGI Á LAUGARDAGSVELLI

Grindvíkingar sóttu Víkinga heim og náðu í eitt stig í sarpinn þó tæpt hafi staðið á. Þrátt fyrir að Grindvíkingar væru betra liðið framan af þá skiluðu færin sér ekki í netið og þeir lentu marki undir eftir ítalska flugferð eins Víkingsins á 72 mín. en Sumarliði Árnason skoraði úr vítinu. Þrautseigja grindvískra skilaði sér skömmu fyrir leikslok er besti leikmaður liðsins, Grétar Hjartarson, skallaði knöttinn í markið eftir fyrirgjöf Scott Ramsey. Hefð er fyrir því að Grindvíkingar nái stigi á Laugardagsvellinum og geta þeir vel við unað að þessu sinni..