Grindvíkingar kláruðu tímabilið með glæsibrag

Grindvíkingar fögnuðu glæsilegum 4-1 sigri á Selfyssingum í lokaumferð 1. deildar karla í knattspyrnu í dag. Selfyssingar komust yfir snemma leiks en eftir það svöruðu Grindvíkingar með fjórum mörkum.

Magnús Björgvinsson skoraði tvö marka Grindvíkinga og þeir Hákon Ívar Ólafsson og Einar Karl Ingvarsson sitt markið hvor.

Grindvíkingar höfnuðu því í fimmta sæti deildarinnar eftir brösótt gengi í upphafi leiktíðar.