Grindvíkingar geta endurheimt toppsætið
Í dag lýkur 17. umferð í 1. deild karla í knattspyrnu þegar Grindvíkingar taka á móti Þór Akureyri á Grindavíkurvelli kl. 16:00. Þróttur Reykjavík skaust upp í toppsæti deildarinnar með 40 stig eftir 0-1 sigur á Njarðvíkingum í gær.
Grindvíkingar freista þess að ná aftur toppsætinu sem hefur verið þeirra í nánast allt sumar. Takist gulum að innbyrða sigur í dag ná þeir 41 stigi og komast þar með einu stigi upp fyrir Þrótt.
