Grindavíkurstúlkur unnu stórsigur
Enn taplausar og á góður róli
Kvennalið Grindavíkur í knattspyrnu er á frábæru skriði í B-riðli 1. deildar kvenna en liðið lagði Hvíta riddarann á þriðjudagskvöldið á útivelli 0-10.
Það var aldrei spurning um hvort liðið færi með sigur af velli á Tungubakkavelli og var staðan orðin 0-4 í hálfleik. Grindvíkingar héldu áfram að þjarma að heimakomnum í þeim síðari og unnu að lokum tíu marka sigur.
Mörk Grindavíkur skoruðu þær Margrét Albertsdóttir (3), Helga Guðrún Kristinsdóttir (2), Guðrún Bentína Frímannsdóttir (2), Lára Rut Sigurðardóttir (2) og Dröfn Einarsdóttir.
Grindavík er í toppmálum í B-riðli eins og áður segir, taplausar, með fullt hús stiga og markatöluna 21-3.
