Grindavík teflir fram kvennaliði

Grindavík ætlar að tefla fram liði í körfuknattleik kvenna á komandi leiktíð. Um tíma voru uppi vangaveltur um að svo yrði ekki vegna leikmannaflótta frá liðinu. 
Jóhann Þór Ólafsson, þjálfari Grindavíkur í körfubolta, hefur tekið af öll tvímæli um þetta.
Liðið hefur mátt sjá á eftir Jovönu Lilju Stefánsdóttur, Írisi Sverrisdóttur og Ingibjörgu Jakobsdóttur. Harpa Hallgrímsdóttir hefur snúið heim frá Njarðvík og leitað er að frekari liðsstyrk.