Grindavík og Njarðvík mætast í bikarnum
Keflavík og Njarðvík í kvennaflokki
Grannaslagir af bestu gerð verða í bikarkeppnum karla og kvenna í körfuboltanum að þessu sinni, en dregið var í 8-liða úrslitum nú fyrir skömmu. Í Karlaflokki mætast Grindvíkingar og Njarðvíkingar í Röstinni í Grindavík og verður það að teljast stórleikur umferðarinnar. B-lið Keflvíkinga fer í heimsókn í Breiðholtið og mætir lærisveinum Njarðvíkingsins Örvars Kritjánssonar í ÍR.
Hjá konunum er rimma um Reykjanesbæ, en Keflvíkingar taka þá á móti grönnum sínum í Njarðvík. Liðin eru á sitt hvorum enda Domino´s deildarinnar í dag en þó er alltaf um hörkuleiki að ræða þegar þessi lið mætast. Grindvíkingar taka svo á móti KR-ingum í Grindavík. Leikið verður 18.-20 janúar 2014.
8-liða úrslit karla
Grindavík - Njarðvík
Fjölnir - Tindastóll
Þór Þorlákshöfn - Haukar
ÍR - Keflavík b
8-liða úrslit kvenna
Grindavík - KR
Valur - Snæfell
Keflavík - Njarðvík
Fjölnir - Haukar
