Grindavík Íslandsmeistari í 9. flokk stúlkna

Grindavík varð Íslandsmeistari í 9. flokk stúlkna í körfu um helgina eftir sigur á liði Tindastóls/ Þórs Akureyri. Grindavík sigraði Keflavík í undanúrslitum en lokatölur úrslitaleiksins voru 59-27.

Leikurinn var jafn og spennandi framan af en í öðrum leikhluta jók Grindavík forystu sína talsver og staðan í hálfleik var 35-14 fyrir Grindavík. Í seinni hálfleik hélt Grindavík áfram að leiða og eftir þriðja leikhluta var staðan 49-18 og sigurinn nánast í höfn og Grindavík sigraði leikinn að lokum með 32 stigum.

Elísabeth Ýr Ægisdóttir var maður leiksins en hún skoraði 16 stig, tók 6 fráköst, gaf 2 stoðsendingar og stal 3 boltum, ásamt því varði hún þrjú skot en hún lék í tuttugu mínútur. Nánari umfjöllun um leikinn má finna á Karfan.is.