Grindavík fór létt með Selfoss

Grindavík fór létt með Selfoss þegar liðin mættust í B-riðli Fótbolta.net mótsins í kvöld. Þeir unnu sannfærandi 4-0 sigur þar sem Pape Mamadou Faye gerði meðal annars tvö mörk. Hann kom Grindvíkingum einmitt yfir með marki úr hornspyrnu þegar um það bil stundarfjórðungur var liðinn, og síðan bætti Tomi Ameobi við marki í sínum fyrsta leik eftir hálftíma.

Staðan var 2-0 í leikhléi, en í seinni hálfleik bættu Grindvíkingar við sínu þriðja marki en þar var á ferð Daninn Lasse Kvist, sem er á reynslu hjá félaginu ásamt öðrum samlanda sínum. Þeir komu til landsins í síðustu viku en halda að öllu ójöfnu heim á morgun.

Pape nelgdi svo síðasta naglann í líkkistu Grindavíkur með fjórða marki leiksins, sem reyndist vera það síðasta. Klaufaleg vörn Selfyssinga varð þeim að falli í þessum leik.

Grindavík er þar með komið á topp riðilsins með sex stig og fara í úrslit nema Stjarnan vinni ÍBV, eða ef ÍBV vinnur með mjög stórum mun. Selfoss endar mótið á botni riðilsins með 1 stig.

Frétt frá Fótbolta.net.