Grátlegt tap hjá Sandgerðingum

Reynir Sandgerði tapaði 3-2 gegn Fjarðarbyggð þegar liðin áttust við í 2. deild karla í knattspyrnu í gær.  Reynismenn náðu 0-2 forystu í leiknum en þannig var staðan í hálfleik. Heimamenn náðu heldur betur að snúa leiknum sér í vil með þremur mörkum í síðari hálfleik, en sigurmark Fjarðarbyggðar kom á síðustu mínútu venjulegs leiktíma. Eftir tapið sitja Sandgerðingar í neðsta sæti deildarinnar með fimm stig eftir ellefu leiki.

Mörk Reynis gerðu Þorsteinn Þorsteinsson (víti) og Viktor Jónsson.