Golfklúbbur Suðurnesja 50 ára í dag
Öllum boðið í afmælisfagnað í Leirunni n.k. laugardag.
Golfkúbbur Suðurnesja er 50 ára í dag en hann er stofnaður 4. mars 1964. Klúbburinnn státar af einum besta 18 holu golfvelli landsins, veglegu klúbbhúsi og fjölbreyttri aðstöðu fyrir kylfinga í Leirunni.
Fyrsti formaður var Ásgrímur Ragnars en með honum í stjórn var m.a. Þorbjörn Kjærbo en en hann var fyrsti Íslandsmeistari karla í golfi sem GS eignaðist. Hann vann titilinn þrjú ár í röð 1968-1980 og var í titilbaráttu mörg ár á eftir.
Guðfinna Sigurþórsdóttir, sem var ein af stofnendum klúbbsins varð fyrsti Íslandsmeistari kvenna í golfi en hún vann titilinn einnig þrisvar sinnum, á árunum 1968 til 1971. Dóttir hennar, Karen Sævarsdóttir, gerði enn betur þegar hún fór að keppa og vann m.a. Íslandsmeistaratitilinn í golfi kvenna átta ár í röð, 1989-1996. Karen er sigursælasti kylfingur landsins. Þá hafa þrír GS félagar orðið Íslandsmeistarar í höggleik, Gylfi Kristinsson 1983, Sigurður Sigurðsson 1988 og Örn Ævar Hjartarson 2001.
Formaður GS í dag er Friðjón Einarsson en hann tók við af Sigurði Garðarssyni sem lét af formannsembættinu í des. sl. eftir fimm ár í embættinu.
Í GS eru 500 félagar og hefur sú tala verið svipuð undanfarin ár. Mikil tímamót urðu þegar klúbburinn stækkaði 9 holu Hólmsvöll í 18 holur auk þess að taka í notkun glæsilegt klúbbhús árið 1986. Sama ár var haldið Íslandsmót í golfi.
Í Leiru hef ur ver ið byggð allt frá land námi og mikil allt til ársins 1930. Talið er að Stein unn hin gamla frænka Ing ólfs Arn ar son ar hafi búið í Stór-Hólmi en hún átti land á Rosmhvala nesi allt frá Hvassa hrauni. Á þeim stað þar sem golf völl ur inn stend ur nú var að minnsta kosti búið á tíu stöð um á upp vaxt ar ár um Tryggva Ófeigs son ar upp úr alda mót un um 1900. Þannig drýp ur sag an af hverju strái í Leirunni og er Hólms völl ur í Leiru senni lega merki leg ast ur ís lenskra golf valla fyr ir þær sak ir.
Afmælishóf og opið hús verður í golfskálanum í Leiru nk. sunnudag frá kl. 14 þar sem tímamótanna verður minnst. Allir eru velkomnir og verður boðið upp á kaffiveitingar í tilefni dagsins.
Þeir bræður Hörður og Hólmgeir Guðmundssynir eiga mestan heiður af uppbyggingu Hólmsvallar í Leiru. Þeir eru báðir látnir. Hörður, sem þarna stendur t.v. var formaður í 17 ár og Hólmgeir sem þarna slær fyrsta teighöggið við vígslu 18 holu vallar árið 1986, var lengi vallarstjóri en einnig ötulasti sjálfboðaliði GS í áratugi.
Guðfinna Sigurþórsdóttir, einn af stofnendum klúbbsins var fyrsti Íslandsmeistari kvenna í golfi. Hér er hún á sínum meistaraárum í Leirunni.
Karen Sævarsdóttir, dóttir Guðfinnu og Sævars Sörensonar, gerði enn betur en móðir sín og varð Íslandsmeistari kvenna í höggleik átta ár í röð, frá 1989 til 1996 en þá flutti hún til Bandaríkjanna og reyndi við atvinnumennsku í tvö ár. Hún kennir golf í dag og er mjög vinsæll golfkennari.
Þorbjörn Kjærbo, var fyrsti afrekskylfingur GS og varð Íslandsmeistari þrjú ár í röð 1968 til 1970 og í titilbaráttu næstu fimmtán árin á eftir.
Þrír Íslandsmeistarar karla, Sigurður Sigurðsson 1988, Gylfi Kristinsson 1983 og Örn Ævar Hjartarson 2001. Þeir tóku allir titilinn á Grafarholtsvelli í Reykjavík.
Séð yfir Hólmsvöll í Leiru, 7. flötina í forgrunni.
Frá byggingu golfskálans 1986.
Fyrsta brautin við opnun Hólmsvallar 1964. Þarna er núna byrjendavöllurinn „Jóel“.
Frá byggingu seinni 9 holnanna á Hólmsvelli, hér sést 1. flötin og umhverfi.
Falleg mynd úr Leirunni, fremst er 14. flöt og braut. Snæfellsjökull í fjarska.
