Getur haldið boltanum 52 sinnum á lofti

Amelía Rún Hjartardóttir er að verða 12 ára og hún spilar með liði RVK, sem er sameiginlegt lið Reynis, Víðis og Keflavíkur. Hún heldur með Chelsea í enska boltanum og hefur meira að segja farið á leik með liðinu. Markadrottningin Margrét Lára Viðarsdóttir er fyrirmynd Amelíu í fótboltanum, en hún stefnir líkt og fyrirmyndin á atvinnumennsku og feril með landsliðinu í framtíðinni.

Hvað hefur þú æft fótbolta lengi?
Frá því að ég var 5 ára.

Hvaða stöðu spilar þú?
Er miðjumaður.

Hvert er markmið þitt í fótbolta? 
Markmiðið er ađ verða betri og komast í landsliðið og verða atvinnumaður í fótbolta.

Hversu oft æfir þú á viku?
Fimm sinnum í viku, þrjár fótboltaæfingar og tvær í metabolic.

Hver er þinn eftirlætis fótboltamaður/kona?
Eden Hazard, Ronaldo, Messi og Margrét Lára og Sara Björk.

Áttu þér einhverja fyrirmynd í boltanum?
Margrét Lára er mín fyrirmynd.

Hefurðu farið á fótboltaleik erlendis?
Já ég hef farið à leik með Chelsea.

Hversu oft getur þú haldið á lofti?
Get haldið boltanum 52 sinnum á lofti.

Hvaða erlenda félag heldur þú upp á?
Chelsea er mitt uppáhalds lið.