Fyrsta tap Grindavíkurstúlkna
Grindavíkurstúlkur töpuðu sínum fyrsta leik í Iceland Express deild kvenna í körfuknattleik þegar þær máttu láta í minni pokann fyrir ÍS á útivelli í kvöld, 80-70, í framlengdum leik.
Jerica Watson var allt í öllu hjá Grindvíkingum og skoraði 29 stig og tók 15 fráköst. Hildur Siguðrardóttir kom henni næst með 16 stig og 11 fráköst.
Í sigurliði Stúdína fór hin bandaríska Corrine Mizusawa fremst í flokki með 17 stig.
