Friðrik Ingi framkvæmdastjóri KKÍ
Friðrik Ingi Rúnarsson hefur verið ráðinn framkvæmdastjóri Körfuknattleikssambands Íslands. Friðrik lætur af störfum sem þjálfari Grindavíkur í Iceland Express deild karla og við honum tekur nafni hans Friðrik Ragnarsson.
Friðrik Ingi var á dögunum ráðinn aðstoðarþjálfari íslenska karlalandsliðsins í körfuknattleik og mun hann ljúka þeim störfum þegar hann hefur lokið fyrirliggjandi verkefnum landsliðsins í ágúst og september.
Friðrik Ragnarsson var ráðinn til eins árs hjá Grindvíkingum í gær en Grindvíkingar urðu bikarmeistarar á seinustu leiktíð. Friðrik Ragnarsson hefur orðið margfaldur Íslandsmeistari með Njarðvíkingum bæði sem leikmaður og þjálfari.
