Frábær sigur Grindvíkinga á toppliði Aftureldingar

Grindavík vann sinn fyrsta leik undir stjórn Brynjars Björns Gunnarssonar í kvöld þegar liðið lagði efsta lið Lengjudeildar karla í knattspyrnu. Grindavík vann leikinn 2:1 og það fyrsti sigur Grindavíkur síðan 22. júní þegar þeir unnu Ægi í Þorlákshöfn.

Heimamenn byrjuðu leikinn betur og voru nærri því að skora eftir 15 mínútna leik en Aron Dagur Birnuson var vel á verði og handsamaði knöttinn á marklínu.

Það var Símon Logi Thasapong sem braut ísinn eftir langa sendingu fram völlinn frá Marko Vardic. Símon stakk sér inn fyrir vörn Aftureldingar og kláraði fagmannlega einn á móti markmanni.

Grindavík leiddi í hálfleik en snemma í þeim seinni fékk afturelding vítaspyrnu og jafnaði leikinn (49').

Tíu mínútum eftir jöfnunarmarkið fengu Grindvíkingar vítaspyrnu eftir augljóst brot. Fyrirliðinn Óskar Örn Hauksson fór á punktinn og skoraði af öryggi (58').

Fleiri urðu mörkin ekki og langþráður sigur Grindvíkina staðreynd.

Leikinn má sjá í heild sinni í spilaranum hér að neðan.