.jpg)
Fjórða tapið í röð hjá Keflavík
Næsti leikur gegn Víkingum Ólafsvík
Keflvíkingar töpuðu í gær sínum fjórða leik í röð í Pepsi deild karla. Að þessu sinnu voru KRingar andstæðingarnir en leikið var í vesturbænum. Lokatölur urðu 0-3 þar sem öll mörk KR komu í seinni hálfleik. Keflvíkingar hafa ekki fengið stig í deildinni síðan sigur vannst á Skagamönnum þann 24. júní á útivelli.
Þeir Einar Orri Einarrson og Ray Anthony Jónsson komu aftur inn í lið Keflvíkinga í leiknum í gær eftir töluverða fjarveru vegna meiðsla. Keflvíkingar voru líklegir til þess að skora í fyrri hálfleik en tvo mörk frá heimamönnum í upphafi seinni hálfleiks gerðu út um leikinn.
Næsti leikur Keflvíkinga er gegn Víkingi Ólafsvík þann 7. ágúst. Víkingar eru einnig í botnbaráttu, þremur stigum ofar en Keflvíkingar, því verður um afar mikilvægan leik að ræða.
.jpg&description=Fj%c3%b3r%c3%b0a+tapi%c3%b0+%c3%ad+r%c3%b6%c3%b0+hj%c3%a1+Keflav%c3%adk){kind=link}