Fimleikahringurinn kemur til Keflavíkur

Fimleikasamband Íslands er með skemmtilegt verkefni í gangi í sumar sem kallast Fimleikahringurinn. Þar ferðast 15 strákar um landið og halda fimleikasýningar og í kjölfarið bjóða þau upp á skemmtilega fimleikaæfingu eða „workshop“ fyrir börn og fullorðna!

„Þetta er frábær skemmtun fyrir stráka og stelpur á öllum aldri og allir eru velkomnir að koma og prófa,“ segir í tilkynningu frá Fimleikadeild Keflavíkur en fimleikahringurinn verður í Blue höllinni í Keflavík 21. júlí kl. 17.