Fækkar í kvennaliði Grindavíkur

Enn kvarnast úr kvennaliði Grindavikur í körfuknattleik en einn sterkasti leikmaður liðsins, Petrúnella Skúladóttir, hefur ákveðið að draga sig í hlé. Ástæðan er sú að hún á von á barni.
Liðið hefur þurft að horfa á bak fjölda leikmanna fyrir komandi leiktíð. Jovana Lilja Stefánsdóttir, Ingibjörg Jakobsdóttir, Íris Sverrisdóttir eru allar farnar og nú Petrúnella.