Fæddist með bolta

Keflvíkingurinn Guðmundur Páll Jónsson ætlar sér að verða atvinnumaður í fótbolta. Hann er öllum stundum í fótbolta og er búinn að æfa frá því að hann var rétt byrjaður að ganga.

Aldur/Félag?
Ég er 10 ára og æfi með Keflavík.

Hvað hefur þú æft fótbolta lengi?
Mamma segir að ég hafi fæðst með bolta, en ég er búin að æfa í 7 ár.

Hvaða stöðu spilar þú?
Ég spila á miðjunni.

Hvert er markmið þitt í fótbolta?
Ég ætla mér að verða atvinnumaður í fótbolta.

Hversu oft æfir þú í viku?
Ég æfi fjórum sinnum í viku en er alltaf úti í boltaleik.

Hver er þinn eftirlætis fótboltamaður/kona?
Uppáhalds leikmaðurinn minn er Dimitri Payet.

Áttu þér einhverja fyrirmynd í boltanum?
Fyrimyndin mín er Gylfi.

Hefurðu farið á fótboltaleik erlendis?
Nei hef ekki farið á leik úti.

Hversu oft getur þú haldið á lofti?
Ég get haldið 48 sinnum á lofti.

Hvaða erlenda félag heldur þú upp á?
Ég er Arsenal maður.