Eva Margrét og Hörður Axel íþróttafólk Reykjanesbæjar 2022
Val á íþróttafólki Reykjanesbæjar fór fram í Ljónagryfjunni í dag, gamlársdag, samkvæmt venju. Þá voru þeir sem urðu Íslandsmeistarar á árinu og sjálfboðaliðar ársins heiðraðir við sama tilefni.
Það er Íþróttabandalag Reykjanesbæjar [ÍRB] stendur að baki valinu og var það formaður bandalagsins, Rúnar V. Arnarson, sem setti athöfnina. Kjartan Már Kjartansson, bæjarstjóri, hélt tölu þar sem hann kom m.a. inn á frekara samstarf stóru íþróttafélaganna í bænum. Það var svo Hjördís Baldursdóttir, íþróttastjóri Keflavíkur og meðstjórnandi í ÍRB, sem stýrði verðlaunafhendingunni en Reykjanesbær gefur öllum Íslandsmeisturum ársins gullmedalíu. Fyrirtækið K. Steinarsson gaf alla verðlaunagripina sem íþróttafólk ársins í öllum íþróttagreinum fengu afhent.
Nánar verður fjallað um valið í miðlum Víkurfrétta á nýju ári en myndasafn og myndskeið frá verðlaunaafhendingunni má sjá hér að neðan auk þess sem Páll Ketilsson tekur stutt viðtal við nýkjörna íþróttakonu Reykjanesbæjar, Evu Margréti Falsdóttur.
Íþróttafólk Reykjanesbæjar 2022
