Erla Dögg með bætingu: Náði ekki lágmarkinu

Sundkonan Erla Dögg Haraldsdóttir var rétt í þessu að klára að synda 100m bringusund í Eindhoven í Hollandi. Lokatími hennar var 1.13.23 mín og er bæting á hennar besta tíma um 0.21og hafnaði hún í 17.sæti.

 

Erla Dögg byrjaði sundið gríðarlega sterkt 33.34, örskammt frá Íslandsmetinu í 50m síðan í gær 33.21, en fjaraði aðeins út á lokametrunum. Frábær tilraun hjá henni sem skilar henni góðu í reynslubankann og í áframhaldandi undirbúning. Næsta mót til þess að ná lágmörkum fyrir Ólympíuleikana í Peking er Ægir International í janúar í Reykjavík.

 

www.umfn.is

 

VF-Mynd/ Jón Björn Ólafsson, [email protected] - Erla Dögg náði ekki inn á Ólympíuleikana að þessu sinni en fær annað tækifæri í janúar.