Elvar og félagar með þriðja sigurinn í röð

Elvar Friðriksson og félagar í LIU Brooklyn skólanum unnu sinn þriðja leik í röð í bandaríska háskólakörfuboltanum í gær. Elvar átti frábæran leik í 69-58 sigri, en hann skoraði 17 stig og gaf 3 stoðsendingar. Lið Brooklyn hóf leiktíðina afar illa og tapaði fyrstu sex leikjum tímabilsins. Þeir hafa nú heldur betur komist á beinu brautina.

Helstu tilþrif úr leiknum má sjá hér að neðan en þar sést Elvar m.a. setja glæsilega þriggja stiga körfu nánast frá miðjum vellinum.