Elvar og Bryndís í úrvalsliði KKÍ
Craion besti erlendi leikmaðurinn
Lokahóf KKÍ fór fram í gær en þar var körfuboltaárið gert upp og ýmsir aðilar verðlaunaðir fyrir góðan árangur vetrarins. Suðurnesjamenn áttu tvo fulltrúa í úrvalsliðum karla og kvenna að þessu sinni ásamt því að Michael Craion var kjörinn besti erlendi leikmaður karla.
Njarðvíkingurinn Elvar Már Friðriksson var einn Suðurnesjamanna í úrvalsliði karla en Elvar átti frábært tímabil með Njarðvík. Keflvíkingurinn Bryndís Guðmundsdóttir var eini fulltrúi Suðurnesja í úrvalsliði kvenna en hún var einn besti leikmaður deildarinnar þetta tímabil. Michael Craion hjá Keflavík var svo kjörinn besti erlendi leikmaður deildarinnar enda illviðráðanlegur í vetur.
Nánar má lesa um lokahófið á heimasíðu KKÍ.
Elvar Már Friðriksson.
Bryndís Guðmundsdóttir.
Michael Craion.
