Elías skoraði bæði mörk Vålerenga í 2-1 sigri
Keflvíkingurinn Elías Már Ómarsson gerði sér lítið fyrir og skoraði tvö mörk í 2-1 sigri Vålerenga á Odd Ballklubb í gær. Þetta var þriðji leikur Elíasar og fyrstu mörk kappans með norska liðinu.
Seinna mark Keflvíkingsins var sérlega fallegt en þá lék hann á varnarmann Odd og skildi hann eftir nánast í sporunum. Skaut svo á nærstöngina sem kom markverðinum á óvart, glæsilegt mark, eins og sjá má í meðfylgjandi myndskeiði. Stuðningsmenn liðsins héldu ekki vatni á samfélgsmiðlum og hrósuðu Keflvíkingnum unga fyrir frábæra frammistöðu.
Look at this goal. Wow. https://t.co/02MIsyBJ2k
— NorwayStats™ (@NorwayStats) July 5, 2015
