Eldri borgarar keppa í billiard

Billiardmót eldri borgara í Reykjanesbæ var haldið í Fjörheimum í vikunni. Um 20 keppendur voru á mótinu og var spilað á þremur billiardborðum. Gunnar Oddsson formaður íþrótta- og tómstundaráðs Reykjanesbæjar setti mótið sem þótti takast mjög vel.

Úrslit urðu þessi:
1. sæti Sveinn
2. sæti Ingvi
3. sæti Ása
(ekki fengust gefin upp eftirnöfn keppenda)

Einnig voru veitt verðlaun fyrir áhugasamasta billiardspilarann en þar sem of erfitt þótti að velja á milli keppenda var einfaldlega dregið úr öllum nöfnunum og var það Jón Olsen sem datt í lukkupottinn. Fjörheimar gáfu einnig einum heppnum keppanda kjuða að gjöf og var það Heiðar sem hlaut hann en þar var einnig degið úr potti.