.jpg)
Efnilegir Keflvíkingar í landsliðsverkefnum
Elías og Samúel á leið til Belgíu
Keflvíkingurinn efnilegi Elías Már Ómarsson er í landsliði Íslands sem leikur í undankeppni Evrópumóts U-19 landsliða í knattspyrnu í Belgíu 8.-16. október. Keflvíkingurinn Samúel Kári Friðjónsson sem nú leikur með Reading í Englandi, er einnig í landsliðshópnum. Elías var fastamaður í Keflavíkurliðinu í sumar en hann á að baki 17 leiki í efstu deild og hefur skorað í þeim tvö mörk. Elías hefur þegar leikið sjö leiki með U-19 ára liðinu og skorað tvö mörk.
Þrir leikmenn Keflavíkur taka um helgina þátt í úrtaksæfingum U-15 ára landsliðsins vegna undankeppni Ólympíuleika æskunnar. Þetta eru þeir Ingimundur Aron Guðnason, Júlíus Davíð Júlíusson og Sigurbergur Bjarnason en þeir voru allir í Íslandsmeistaraliði Keflavíkur í 4. flokki í sumar.
keflavik.is
.jpg&description=Efnilegir+Keflv%c3%adkingar+%c3%ad+landsli%c3%b0sverkefnum){kind=link}