Dregið í Evrópukeppninni á morgun

Skömmu eftir hádegi á morgun verður dregið í 1. umferð í undankeppni Evrópukeppni félagsliða í knattspyrnu, UEFA Cup, en Keflavík tekur þátt í þeirra keppni sem Bikarmeistarar. Drátturinn fer fram í höfuðstöðvum UEFA í Nyon í Sviss. Leikirnir í þessari umferð fara svo fram 19. júlí og 2. ágúst.

Í þessari umferð eru 74 lið og er þeim skipt í þrjá hópa eftir landsvæðum. Keflavík er eitt af 28 liðum á Norðursvæðinu. Liðunum á hverju svæði er skipt í tvo hópa og dragast lið úr hvorum hópi saman. Skipt er í hópana eftir styrk landanna til að sterkustu liðin og lið frá sama landi dragist ekki saman. Ísland er í þeim hóp sem talinn er lakari og því eru Keflavík og KR þar. Í þessum hópi eru einnig Dungannon Swifts frá Norður-Írlandi og Etzella Ettelbrück frá Lúxemborg sem Keflavík hefur áður leikið við í Evrópukeppnum á síðustu tveimur árum. Í sterkari hópnum eru einnig fyrrum andstæðingar Keflavíkur, Lilleström frá Noregi og Metalurgs Liepaja frá Lettlandi.

Hér má sjá hópana á Norðursvæðinu. Keflavík er í hópi 2 og dregst því gegn liði í hóp 1.

Hópur 1

OB Odense (Danmörk)

Vålerengen IF (Noregur)

FC Midtjylland (Danmörk)

SK Brann Bergen (Noregur)

Lillestrøm SK (Noregur)

AIK Stockholm (Svíþjóð)

Helsingborg IF (Svíþjóð)

BK Häcken (Svíþjóð)

MyPa-47 (Finnland)

Metalurgs Liepaja (Lettland)