Dennis Rodman til Keflavíkur

Nú í haust mun fara fram hér á landi einn stærsti íþrótta og sýningarviðburður sem farið hefur fram hér á landi, en þá mun hið stórkostlega körfubolta- og sýningarlið Ball Up Street/NBA koma til landsins og spila við úrvalslið íslenskra leikmanna sem valið verður af KKÍ og Andersen viðburðum sem er umboðsaðilli Ball up street/ NBA í Evrópu.

Hinn skrautlegi Dennis Rodman sem allir íslendingar kannast við verður með í för en þar er enginn smá leikmaður á ferð, má líkja honum við Paul Gascoigne í fótboltanum og Amy Winehouse í tónlistinni svo stórt nafn og þekktur er Dennis Rodman.

Einn af leikjum liðsins fer fram í Keflavík og tilvalið fyrir aðdáendur Ormsins að skella sér og bera goðið augum.

Leikurinn í Keflavík fer fram föstudagskvöldið 7. okt kl 20:00 og miðasala hefst á miða.is 17. júní en um þrjá sýningarleiki að ræða.

Einnig verður með í för verður einnig Tracy Murray sem lék meðal annars með LA Lakers og er því um gríðlegan hvalreka að ræða fyrir alla áhugamenn og konur um körfubolta.