Davíð Hildiberg setti Íslandsmet á Smáþjóðaleikunum
-Áfram syndir sundfólkið í San Marínó
Suðurnesjamenn eiga marga fulltrúa á Smáþjóðaleikunum, sem fram fara í San Marínó þessa dagana. Vel hefur gengið seinustu daga hjá sundfólkinu.
Davíð Hildiberg Aðalsteinsson er einn af meðlimum íslensku sveitarinnar í 4x100m fjórsundi karla en í gær vann sveitin til silfurverðlauna á tímanum 3:47,67 sem er Íslandsmet.
Þá endaði Karen Mist Arngeirsdóttir í fjórða sæti í 100 m bringusundi, Sunneva Dögg Friðriksdóttir lenti í sjötta sæti í 200 m skriðsundinu, Kristófer Sigurðsson varð í fimmta sæti í 200 m skriðsundinu og Þröstur Bjarnason varð í því sjötta.
