Daníel Arnar íþróttamaður Sandgerðis

Taekwondomaðurinn Daníel Arnar Ragnarsson, 14 ára, var um síðustu helgi kjörinn íþróttamaður Sandgerðis 2015. Viðurkenniningin var veitt í Samkomuhúsinu í Sandgerði. Við sama tækifæri var afhent viðurkenning frístunda-, forvarna- og jafnréttisráðs fyrir störf að íþrótta- og æskulýðsmálum í Sandgerði og var það Guðmundur Einarsson sem hlaut viðurkenninguna.

 

Daníel Arnar átti gott keppnisár 2015 og vann til 16 verðlauna. Hann sýndi góðan árangur sér í lagi á opna skoska meistaramótinu. Daníel Arnar mætir á allar æfingar og alla taekwondoviðburði sem í boði eru á Íslandi og er einn allra virkasti iðkandinn í taekwondo deild Keflavíkur. Daníel Arnar er duglegur og efnilegur íþróttamaður sem sinnir íþrótt sinni af mikilli alúð og einlægni. Hann er fyrirmynd yngri iðkenda og hjálpar iðulega til við útbreiðslu íþróttarinnar til dæmis með því að vera aðstoðarþjálfari á námskeiðum, æfingum og í æfingabúðum.

 

Árangur Daníels Arnars 2015

 

Íþróttamenn sem tilnefndir  voru og hlutu viðurkenningu fyrir góðan árangur 2015:

 

Birkir Freyr Sigurðsson - knattspyrnumaður

Daníel Arnar Ragnarsson - taekwondomaður

Elvar Þór Sigurjónsson - körfuknattleiksmaður

Margrét Guðrún Svavarsdóttir - hnefaleikakona

Magnús Ríkharðsson - kylfingur

 

 

Guðmundur Einarsson hlaut viðurkenningu frístunda-, forvarna- og jafnréttisráðs fyrir störf að íþrótta- og æskulýðsmálum í Sandgerði. Á myndinni tekur hann við viðurkenningunni frá Andra Þór Ólafssyni.