Byrjuðum eins og kálfar
Íslandsmeistarar KR mæta í Röstina í Grindavík í kvöld og leikar þar gegn heimamönnum sem að sögn þjálfarans Friðriks Ragnarssonar hófu Íslandsmótið í körfuboltanum eins og kálfar. Grindavík steinlá í Sláturhúsinu gegn Keflavík í síðustu viku og gulir eru staðráðnir í því að sýna hvað í þeim býr gegn sterku liði KR.
,,Við mættum ekki tilbúnir í leikinn gegn Keflavík og fengum það sem við áttum skilið. Við dvöldum ekki lengi við Keflavíkurleikinn og höfum því hugsað lengi um leik kvöldsins. Þetta verður hörkuleikur en KR er sjálfsagt besta liðið á pappírum og þetta verður mikil áskorun fyrir okkur,” sagði Friðrik. ,,Keflavík byrjaði mótið mjög vel á meðan við lékum eins og kálfar. Nú eru menn ákveðnir í því að rífa þetta upp og stemmningin að undanförnu hefur verið fín. Við höfum engu að tapa en allt að vinna og við vitum að við getum unnið KR,” sagði Friðrik en Grindavík hvílir á botni deildarinnar með 25 stig í mínus.
Njarðvíkingar halda Norður í land og mæta
Keflvíkingar mæta svo Snæfellignum í Hólminum annað kvöld og verður fróðlegt að sjá hvort B.A. Walker, Bandaríkjamaðurinn í liði Keflavíkur, geti haldið uppteknum hætti. ,,Ég reyndi bara að komast í takt við leik liðsins og vera duglegur að spila uppi liðsfélaga mína. Það skiptir ekki máli hverjir skora stigin svo framarlega sem við leikum vel sem liðsheild,” sagði
Allir leikir annarar umferðar hefjast kl. 19:15, bæði í kvöld og á morgun og er fólk hvatt til að fjölmenna á vellina og styðja vel við bakið á sínu liði.
Fimmtudagur 18. október
Borgarnes Skallagrímur - Hamar
Grindavík Grindavík - KR
Síðuskóli Þór Ak. - UMFN
Seljaskóli ÍR – Tindastóll
Föstudagur 19. október
Grafarvogi Fjölnir - Stjarnan
Stykkishólmur Snæfell – Keflavík
VF-Mynd/ [email protected] - Friðrik Ragnarsson tekur á móti Íslandsmeisturum KR ásamt lærisveinum sínum í Grindavíkurliðinu í kvöld.
