Birna Valgarðs heiðruð í Höllinni
Fyrir framlag sitt til íslensks körfubolta
Birna Valgarðsdóttir var heiðruð sérstaklega fyrir sitt framlag til íslensks körfuknattleiks í hálfleik í leik Íslands og Slóvakíu sem fram fór í Laugardalshöll í gær. Birna lék 76 landsleiki á ferli sínum með landsliðinu á árunum 1994-2009 en Birna hætti í boltanum eftir síðasta tímabil. Þar gerir hana að næst leikjahæstu landsliðskonu allra tíma.
Birna er bæði leikja- og stigahæsti leikmaður úrvalsdeildarinnar frá upphafi en hún hefur spilað með fjórum liðum í efstu deild. Tindastóli, Breiðablik, Grindavík og lengst af með Keflavík þar sem hún lék 314 leiki. Þar vann hún alla þá titla sem í boði eru oftar en einu sinni. Hún vann sjö Íslandsmeistaratitla með Keflvíkingum og fimm sinnum varð hún bikarmeistari með liðinu.
Leiknum lauk með sigri Slóvaka 55-72 en Suðurnesjakonur létu ljós sitt skína í leiknum. Sandra Lind Þrastaróttir úr Keflvík lék talsvert í leiknum og skoraði fimm stig. Sigrún Sjöfn Ámundadóttir úr Grindavík skoraði sömuleiðis fimm stig auk þess að taka fjögur fráköst.
