Birna og Thelma Dís á æfingamóti með landsliðinu
- Emelía Ósk meidd
Tveir leikmenn Keflavíkur, þær Birna Benónýsdóttir og Thelma Dís Ágústdóttir, taka þátt í æfingamóti í boði körfuknattleikssambands Lúxemborgar með landsliði Íslands í körfu, sem fram fer í Lúxemborg dagana 27.-29. desember nk.
Liðið hélt út í morgun og mun æfa og leika æfingaleiki fram að heimför þann 30. des. Fyrsta æfingin fer fram í kvöld og síðan leikur liðið þrjá æfingaleiki næstu tvo daga.
Emelía Ósk Gunnarsdóttir, leikmaður Keflavíkur, er ekki í landsliðshópnum en hún sleit krossbönd fyrr í mánuðinum.
