Bikarhetjur Keflvíkinga heiðraðar

Keflvíkingar sem hafa verið í eldlínunni með knattspyrnuliði félagins undanfarna tvo áratugi voru heiðraðir á Nettó-vellinum nýlega en þá fór fram heiðursleikur þeim til handa gegn úrvalsliði Baldurs Sigurðssonar sem lék með Keflavík í nokkur ár. Um fjögurhundruð ungmenni sem voru sérstakir gestir á leiknum klöppuðu þessum goðsögnum, sem nú eru flestar búnar að leggja skóna á hilluna, lof í lófa. Nær öruggt er hægt að telja að í þeim hópi séu leikmenn sem eiga eftir að taka við keflinu fyrir Keflavík í framtíðinni.
Sjónvarp Víkurfrétta mætti á Nettó-völlinn og ræddi við þjálfara og leikmenn sem hafa verið í eldlínunni með Keflavík síðustu tvo áratugi.

Samantektin með texta, mörgum ljósmyndum og sjónvarpsviðtölum er að finna í VefTímariti Víkurfrétta. Smellið hér til að sjá.