Atli Freyr og Helgi Þór semja við Njarðvík

Njarðvíkingar hafa gert samning við þá Atla Frey Ottesen Pálsson og Helga Þór Jónsson en þeir munu leika með knattspyrnuliði Njarðvíkur í Inkasso-deildinni næsta sumar.

Helgi Þór kemur frá Víði í Garðinum, hann er 23 ára gamall og stundar nám í Bandaríkjunum. Hann mun æfa í jólafríinu með Njarðvík í desember og janúar.

Atli Freyr er uppalinn í Stjörnunni en hann hefur einnig spilað með Skínanda, Gróttu, Leikni R. og Kv. Hann kom til Njarðvíkur úr Garðabænum fyrir síðasta tímabil og hefur endurnýjað samning sinn við félagið.

Njarðvíkingar komust upp í Inkasso-deildina síðasta sumar og eru þessa dagana að styrkja lið sitt fyrir komandi tímabil.

Helgi Þór Jónsson