Arnór Ingvi og Árni Freyr með 21 árs liði Íslands
Grindvíkingurinn Gunnar Þorsteinsson líka með í för
Keflvíkingarnir Arnór Ingvi Traustason og Árni Freyr Ásgeirsson eru báðir í landsliðshópi U-21 árs liðs Íslands sem leikur gegn Wales í dag.
Wales og Ísland leika vináttuleik í Llanelli og hefja leik kl. 15:00. Miðjumaðurinn Arnór Ingvi hefur þegar leikið einn leik með U-21 árs liðinu og hefur einnig leikið með yngri landsliðum eins og Árni Freyr sem gegnir stöðu markvarðar.
Einnig er Grindvíkingurinn Gunnar Þorsteinsson í hópnum en hann er á mála hjá enska liðinu Ipswich.
