Arnór á skotskónum í sænsku úrvalsdeildinni

Arn­ór Ingvi Trausta­son skoraði tvö mörk og tryggði Norr­köp­ing mikilvægan 2:1 sig­ur í sænsku úr­vals­deild­inni þegar liðið mætti Mjäll­by á útivelli í gær.

Fyrra markið skoraði Arnór eftir vítaspyrnu á 5. mínútu, markvörður Mjäll­by varði spyrnuna frá Arn­óri en hann náði frákastinu og setti boltann í netið.

Seinna markið kom eftir að önnur vítaspyrna var dæmd á Mjällby. Aftur steig Arnór á vítapunktinn en í þetta sinn brást honum ekki bogalistinn og skoraði örugglega (74’).

Mjällby klóraði í bakkann í lok leiksins með marki þremur mínútum fyrir leikslok en lengra komust þeir ekki.

Norr­köp­ing og Mjällby voru jöfn að stigum fyrir leikinn í gær en með sigrinum færðist Norrköping upp í sjötta sæti deild­ar­inn­ar með 22 stig eftir fimmtán umferðir. Kalmar og Hammarby eru jöfn Norrköping að stigum en með lakara markahlutfall.

Nokkuð er í efstu lið en Elfs­borg situr á toppi deild­ar­inn­ar með 36 stig, þar á eftir kemur Häcken með 35 stig, en hefur leikið einum leik fleiri, og í þriðja sæti er Malmö með 34 stig og á leik til góða.

Í spilaranum fyrir neðan fréttina má sjá mörkin sem Arn­ór skoraði í gær.